Flugumferðarstjórar: Hnignunarmerki samtímans

Á 10 ára utanlandsferðasögu minni hef ég aldrei áður ferðast með flugvél til og frá landi. Nú í síðustu viku bauð sonur minn Ólafur Jóhannesson mér í útskriftaveislu sína við Háskólann í Lundi þar sem hann nemur sérhæfðar meltingarvegs- og endaþarmslækningar. Það yljar mér um hjartarætur þegar ég sé blikið í augunum á honum sem lýsir ástríðu hans á efninu og tel ég það deginum ljósara að hann sé á réttri hillu í lífinu.

En ég er ekki hér til að þvaðra um störf sonar míns heldur er ég hér til að gera flugumferðarstjórum lífið leitt. Eins og ég sagði áður hef ég aldrei áður nýtt mér hinn óþolandi farkost flugvélina á ferðum mínum utan, ég hef alltaf tekið "norrænu" til Danmerkur og farið þangað sem leið liggur á fingrinum. +

Þegar ég mætti á Malmö Flughavn í morgun sá ég að vél minni til Reykjavíkur var frestað. Áður en ég vissi af hafði ég ráðist á drykkjarsjálfsala og fengið tilheyrandi sekt upp á 300 sænskar.

Ég reiddist mjög er mér varð spurn af verkfallinu enda hef átt til saka að sækjast við flugumferðarstjóra um nokkurra ára skeið. Það var nefninlega árið 1988 á árum mínum sem skrifstofublók hjá Landlækna embættinu að ég var búsettur ásamt þremur börnum mínum í kjallaraíbúð móður minnar á Grettistgötunni. Mér við hlið bjó hinn ágætasti maður, vel menntaður og myndarlegur og hef ég ekkert út á hann eða írennilega konu hans að setja utan stækrar nályktar úr íbúð þeirra. Það sem fór þó í mig var hve aðgangsharður sonur hans var gagnvart dóttur minni,heitinni, Guðrúnu Ósk.

Hún Guðrún mín var veikburða á þessum tíma sökum fíknar sinnar og notfærði hinn svokallaði "vinur" hennar og nágrannasonur sér aðstöðuna sem hann var í. Hann gerði út dóttur mína eins og fiskveiðibát og "stjórnaði umferðinni" í hana af mikilli "snilld". Það ætti því ekki að koma mönnum á óvart að nágrannasonar fíflið sé nú í dag flugumferðarstjóri!

Flugumferðarstjórar eru sukksamir svallarar og eru eitt helsta hnignunarmerki samtímans og mannkynsins í heild.


mbl.is Áhrif á þúsundir flugfarþega
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Kæri Eyfeld

Þar sem ég er fastagestur á mbl.is þá rakst ég skyndilega á fyrirsögn sem mér þótti einkar spennandi. En eftir að hafa rennt yfir bloggið þitt varð mér hugsað til þess af hverju ég á ekki blogg hér, útaf hrokafullum illa upplýstum "náungum" á borð við þig.

Mér blöskrar við ógeðfelldu orðalagi þínu og hvernig þú talar um að kona hans sé írennileg lýsir því bara hversu sjúkur þú ert. Þú minn kæri Eyfeld ert sennilega best geymdur EINN þíns liðs sitjandi með blákaldann kaffibolla að röfla yfir hversu lífið er ósanngjarnt.

Jón Agnarsson (IP-tala skráð) 10.3.2010 kl. 22:18

2 Smámynd: Jóhannes Ólafsson Eyfeld

Ágæti Jón.

Eftir öll þessi ár vitjarðu mín loks aftur. Okkur kom nú alltaf ágætlega saman sem nágrönnum og tel ég víst að vinátta okkar hefði blómstrað ef ekki hefði verið fyrir bansett óbermið hann son þinn.

Ég verð þó að játa að ég verð fyrir vonbrigðum Jón minn.

Það fyrsta sem þú gerir á þessum svokölluðu "endurfundum" okkar er að herja á mig sem persónu og mitt stolt. Ef þú hefðir nú þekkt mig betur hefðirðu fengið að vita að það viðgengst EKKI í hugarheimi Eyfelds.

Fyrir ykkur hin sem lesið þetta langar mig að uppljóstra fyrir ykkur nokkrum hlutum sem ég varð var við í fari míns ágæta kollega. Seint á kvöldin varð ég ætíð var við mannaferðir í húsum Jóns. Eitt sinn, á köldu októberskvöldi, sá ég hann ganga í átt að bifreið sinni með skóflu í hönd. Í fyrstu grunaði mig hann ekki um græsku en þegar ferðir hans út á kvöldin, með skófluna í hönd, urðu reglubundnar sá ég strax að eitthvað að.

Næst þegar ég varð var við hávaðann úr næsta húsi fór ég á stúfana og ákvað að veita honum eftirför. Það kom mér algjörlega í opna skjöldu þegar ég sá hvert leið okkar lá.

Jóhannes Ólafsson Eyfeld, 11.3.2010 kl. 00:00

3 identicon

....

Hvað í fjandanum ert þú að tala um maður? Ég átti aldrei heima nálægt þér , ertu uppdópaður af verkjalyfjum ?

Eftir að hafa hugsað mig frekar um þá viðurkenni ég að þessi unga dama var hún dóttir þín Guðrún, við vorum eins og ský og fjall saman...

Nei hver anskotinn hvernig geturu látið af þér slíka óvirðingu og ég fer að bóka fyrir þig gistingu á Vogum Eyfeld eruð nátturlega snarklikkuð og þekkt fyrir slíkt í þessari Eyfeld ætt.

Jón Agnarsson (IP-tala skráð) 14.3.2010 kl. 01:20

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Jóhannes Ólafsson

Höfundur

Jóhannes Ólafsson Eyfeld
Jóhannes Ólafsson Eyfeld
Hrokafullur einhleypur þriggja barna helgarpabbi; dómharður en þó dómgreindarlaus. Óflokksbundinn og óháður. Náttúrulaus iðnaðarsinni. Mikill áhugamaður um nútíma- og póstmóderníska tónlist og mikill aðdáandi Caput tónlistarhópsins.

Spurt er

Vilt þú verða að óskum íbúa Blönduós um olíuhreinsistöð í bæjarfélaginu?
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband